整容

之前有一排注意過body weight, 大約到咗年中, 因為房的電腦壞咗冇得每晚做yoga/ pilates~~~之後慢慢連lunch的健康麥皮餐都放棄咗.........body weight control programme告一段落!

不過, 雖然體重冇降落返最理想的level,不過總算停咗慢慢上升的tendency~~~而且, 我相信現時的體重比從前的重一啲係因為我現時的muscle比較多一啲~~~希望係真

呢個冬季, 我又開始另一個遊戲: 就係美容大計 其實都係呢一年左右, 我超級相信一個新的theory~~就係皮膚保濕才是一切的theory~~就開始實行一吓. 咁多年以嚟, 試過轉skin care brand,試過勤力.....雖然對皮膚狀態係有影響, 但好似唔係critical.所以我最後come up with a theory, 感覺上效果好似明顯咗話明保濕, 到咗冬天本來應該效果會減弱, 點知, 早2-3星期行行吓街, 唔小心比一個skin care counter 的小姐攔截咗, 仲比佢敗咗我2千幾3千蚊 對我呢種高手佢都成功得手, 佢的product的確係有特色~~~都係因為買咗一系列的新"玩具", 我呢期就好努力咁用佢哋lu配合埋本身用開的東東, 我而家的目標係每日都有1種mask 做~~~我出年要變身只有22歲!!!!

My 1st Juicy Bag ^v^

上次第1次"正式" 行Juicy Corture 時睇中的hand bag..........7月時已收到貨lu

之前比亞妹先用, 最近到我用~~~

上第2個Jazz course lu ^0^

11月11日又開始第2個Jazz course今次依然係Si Sir的堂~~~ 都已經對咗佢咁耐, 而且又已起咗佢咁多底, 都開始熟落少少......多咗d eye contact啦 我估佢應該覺得我開頭係唔想同佢有任何交流, you know, 當見到佢係望住我嚟講嘢的時候, 會馬上移開視線嗰隻.......但後來我都有時會look into his eyes while he's talking,佢應該知道我漸漸唔太怕比佢"對住"我講嘢囉, 所以last night嗰堂我發現佢有對住我講嘢呀, 我都"回望"返佢一陣囉........始終, 我今次已經係佢舊生~~~~

第一堂果然多人到爆! 我係last moment先到, Florence雖然早到, 但又咁敢企前面, 結果我企响後面簡直轉身都差d撞到人呢......不過前面其實仲係幾鬆動㗎..........所以都mid-way,阿sir話前後半exchange嚟企時, 我都好快手企咗去前面......又因為as usual 一開始"選擇"企响後面的人係請都唔會去前面的reason, 我仲要企响front roll 呢

今次隻歌古古怪怪, 不過隻_就好似d moves 幾多, 感覺同上次好唔同, 今日敎咗2個8拍, 居然有好幾把聲話跟唔到~~~上次嗰班同學仔有一半係truely跟到, 另一半就好似我咁跟唔到100%但會記住之後返屋企練.......今次上堂唔知會唔會敎得慢d?

不過, 似乎我個body開始pick up 度一d dancing的技巧, 我今次响班入面算係跟度80%......wa, 我平時視為leader的嗰位"女仔"再次發揮能力, 跟度99%呢

可能會到非洲工幹---2

隔咗成3個月, 事情仍在發展中.

講真, 呢一刻我已經唔係極度想去出呢個visit lu~~~ 因為我一直做好多research, 發覺呢件事真係好壞參半......唔想去係消極的想法: 冇希望, 咪冇失望囉
Anyway, 我哋都要get ready, 始終都係d客話事的.....所以前幾日就走咗去打針lu 多得各方blogger的相助, 比咗好多info 我: 打針的地址電話啦, 要打咩針咁啦.......Thank you so much!!!
Clinic的醫生同nurse都好好人~~~ 前後都要搞成個鐘㗎~~~~好耐冇打過針啦..........都唔記得原來係會有d d痛的 定係........個姑娘的手勢......... 不過打完就冇咩嘢, 只係隻右手有d酸痛......
我選擇咗打2支. 一支係必打的黃熱針;

左一支, 右一支

另一支後來都覺得其實好似冇乜必要打的傷寒

其實, 我依家等緊confirm可唔可以去DRC...........如果真係要去, 就可能要去打多幾支針啦

Childish me ^^~~~Jazz篇

Last night上到第五堂的Jazz, 上完個人超興奮成日偷偷地想笑真係覺得自己好幼稚!!!

其實都只不過係今晚我可以跟到隻舞跳,. 不過係可以group到入"勁"嗰group人入面囉.......但係個場面實在係太大對比.....第一group 係可以全員跳哂成段舞, 但第二group 就幾乎完全跳唔到!!! 所以我可以响第一group 到跳成功感真係超大!!!! 估唔到都咁大個人, 仲會有呢種自滿的心情呢無奈我另外2個friend 就唔係好跟到, 咁就唔意思講太多啦, 興奮的心情只好壓抑落去

但我最最幼稚的係其實心入面一早就覺得自己跟得到㗎啦, 又覺得阿Sir應該有/要留意到我, 然後因為上一堂跳得好的人多數都係wear black的 (all in group 1), 所以我make sure 今堂唔着black shirt, 以免阿Sir以為我想同d 勁人一齊跳而第2堂即刻wear black.....想扮唔care自己跳成點.......其實我好唔鍾意自己呢個性格, 覺得自己掂又唔認, 但就好想有人發掘, 好唔大方,但高調show off我又真係做唔到......anyway, 因為最後阿Sir又真係如我所願用另一個方法分組, 令我入咗group 1, 成功可以"好被動地"有證明自己的機會, 更令我成日想偷笑

但係其實我下咗好多苦功㗎, 因為跳快舞呢家嘢真係我弱項, 手腳勁唔co-ordinate, 個動作如果involve幾個body part,唔逐part逐part嚟我睇20次都唔知佢做咗d 乜!!!!~~~~但我宜家都已經掌握到點樣可以令自己跳到d steps: 上完堂的頭2日我會先响腦入面imagine all the steps & link them together,直到腦海已經可以掌握到每一個steps, 之後2日我會少少地練吓新的steps, 因為有d其實上堂時只係跟住做, 都唔係太清楚搞緊乜, 咁最後就係要practice吓跟到拍子囉......如果唔熟, 只怕係花1秒去諗下一個step 係乜, 都已經會跟慢咗......esp宜家part 舞開始長d d, 成日都會有d位拍子唔啱㗎..........總之, 每日我都有少少心思放咗落去, 都幾認真吓㗎..但可能就因為有下苦功, 所以做到的時候真係好開心

宜家開始有d d 跳舞feel, 所以越嚟越有成功感. 不過尋晚的動作就開始有dd難, 有d位阿Sir都冇好仔細咁分析比我哋睇, 唔知個動作咁做出嚟! 所以呢個星期又要下苦功啦, haha!

一白遮三醜!!?

好多人都話我同細妹白, 但其實我哋唔係好白咋~~~~大把香港女仔真係白~~~~可能我哋個"底"都係白, 不過由細都大都鍾意玩, 又唔係好"小姐"咁留意注防曬, 成日以為黑完就會白返..........慢慢, 恐怖的事情就發生啦原來世事無絶對, 人大大吓,metabolism減慢係會向美白方面表現出嚟㗎!!!! 宜家每狂曬一次之後都要好耐先白返, 仲要一次比一次黑dd..........我都係呢2年先發覺.......大家要留意吓啦!!!

我細妹一向都比我黑少少, 所以佢比我更早就留意自己有冇黑咗後來响1年前, 佢有個成日去日本的friend叫佢食一隻美白的pills, 同白兔牌嗰隻差不多啦, 佢個friend都keep 住食的, 咁我個妹就好興奮地又一齊食啦~~~~仲迫我mummy食tim

每次佢都幫我哋買3bottles, 其實3個人食, 只係1個月的份量, 不過我哋就食差不多3個月, 啱啱夾到佢飛日本的schedule~~~到宜家都食咗1年, 講真唔覺得白咗, 係咪幫咗我哋响減慢變黑呢......um......唔知道!而且我哋又食唔足~~~~~總之宜家都仲食緊

Daddy 2009-Nov時去過一次日本, 叫佢幫我哋買, 佢就買咗第2隻噃嚟, 仲要貴d!!!

 

2010 Summer 的運動---Jazz

Summer係活動一下身體的時節~~~

2007年開始咗玩Home Yoga ----last 到冬天呢

2008年就加入咗 Pilates, 非常積極地做body shaping

2009年.......做做吓, 房部computer就壞咗! 之後都 冇得做exercise 好耐 不過就喺呢個時候見到個Jazz Class, 又比我在呢個Summer keep噃樣運動.

到今年, 仍然冇得做yoga/ pilates 個身體已經忍唔住間唔中pick 幾個posture 嚟做吓~~~好想做運動呀真的又要thanks GOD!! 今年開始混熟的friend group入面有人上Jazz!!!! 佢仲invite我一齊玩呢^^ 所以今年的theme exercise 又係Jazz lu

其實上次上的jazz 堂的性質上都唔錯, d basic steps呀, stretching等都幾鍾意, 不過d dance moves 就唔係太跟到lu~~~. 但係今次又好似OK. 不過都只係上咗2堂,the real challange 可能都仲未出現呢 但暫時d steps都好記得, 平日仲好有衝動去practice下, 所以上第2堂時, 可以把2堂的4個8拍連埋一齊跳, 終於有少少跳舞feel 呢 ~~~ 個instructor仲幾搞嘢, 見到佢lead 的 warm-up 真係好想笑 (其實已經有時忍唔住笑咗出嚟......唔知佢見唔見到)